Oilaviy Himoya
Farzandingiz telefonida zararli saytlar yopiq tursin
Android uchun ota-ona nazorati. Kattalar saytlari, qimor va xavfli sahifalarni yopadi, uyqu vaqtini belgilaydi va ilovalarni cheklaydi. Hammasini o‘z telefoningizdan boshqarasiz.
Ilovani yuklab olishNima qiladi
- Zararli saytlarni yopadiKattalar kontenti, qimor va tikish, fishing va virusli sahifalar.
- Xavfsiz qidiruvGoogle, Yandex, Bing va YouTube majburan xavfsiz rejimda ishlaydi.
- Uyqu vaqtiBelgilangan soatlarda internet yopiladi. Qo‘ng‘iroqlar ishlayveradi.
- Ilovalarni cheklaydiTanlangan ilovalarni yopish, telefon sozlamalari va Play Market’ni PIN bilan qulflash.
- Ota-ona telefonidan boshqaruvQoidalarni masofadan o‘zgartirasiz, farzand “ruxsat so‘rash” yuborsa, javob berasiz.
Qanday o‘rnatiladi
- Ilovani ikkala telefonga ham yuklab o‘rnating: o‘zingiznikiga va farzandingiznikiga. Telefon “noma’lum manbadan o‘rnatish”ga ruxsat so‘raydi, ruxsat bering.
- O‘z telefoningizda Google akkauntingiz bilan kiring, PIN o‘rnating va “Men ota-onaman”ni tanlang.
- “Bola qo‘shish”ni bosib, farzandingizning ismi va uning Gmail manzilini yozing.
- Farzand telefonida o‘sha Gmail bilan kiring, PIN o‘rnating (uni farzandingizga aytmang) va “Bu farzand telefoni”ni tanlang.
- “Himoyani yoqish”ni bosing va telefon so‘ragan ruxsatlarni bering.
Ilovalarni yopish ruxsati kulrang bo‘lib, bosilmasa: telefon Sozlamalari → Ilovalar → Oilaviy Himoya sahifasini oching, yuqori o‘ng burchakdagi uch nuqtani bosib “Cheklangan sozlamalarga ruxsat berish”ni tanlang. Android internetdan yuklangan ilovalar uchun shuni talab qiladi.
Bilib qo‘ying
- Himoya 100% emas. Ilova xavfni kamaytiradi, lekin ota-ona e’tiborining o‘rnini bosmaydi.
- Telegram, Instagram, TikTok va YouTube ichidagi alohida video yoki xabarlar filtrlanmaydi. Bu ilovalarni butunlay yopish mumkin.
- Ilova hali sinov bosqichida: xatolar uchrashi mumkin.
Maxfiylik
- Ilova faqat sayt nomlarini tekshiradi. Sahifalar mazmuni, yozishmalar, parollar va rasmlar o‘qilmaydi.
- Ota-onaga faqat yopilgan sayt nomi, sababi va vaqti ko‘rsatiladi. Ochilgan oddiy saytlar ro‘yxati yig‘ilmaydi.
- Kirish Google akkaunt orqali, parol so‘ralmaydi va saqlanmaydi.
- Ilova yashirin ishlamaydi: himoya yoqiq paytda telefonda doimiy bildirishnoma turadi.